Թայվանում թռչնագրիպի պատճառով 25.78 հազար հավ ու բադ են ոչնչացրել: Այս մասին գրում է ՌԻԱ Նովոստին՝ վկայակոչելով Թայվանի ագրարային հանձնաժողովի հաղորդագրությունը:
Վիրուսի բռնկում են բացահայտել Յունլինի եւ Իլանի ֆերմաներում, որտեղ 5.27 հազար բադ եւ 20.51 հազար հավ են ոչնչացրել: Այստեղ թռչնագրիպի H5N2 շտամ են հայտնաբերել:
Թայվանի ագրարային հանձնաժողովի տվյալներով՝ տարեսկզբից թռչնագրիպ է հայտնաբերվել 46 ֆերմայում, ընդհանուր առմամբ 353 հազար թռչուն է ոչնչացվել:
