Լոս Անջելեսում հայտարարել են «Ոսկե ազնվամորի» մրցանակաբաշխության հաղթողներին՝ կինեմատոգրաֆիայում վատագույն ձեռքբերման համար: Տարվա վատագույն ֆիլմ են ճանաչել «Հիլարիի Ամերիկան. Դեմոկրատական կուսակցության գաղտնի պատմությունը» փաստագրական ժապավենը: Այս մասին գրում է Meduza-ն:
Ֆիլմն ընդհանուր առմամբ չորս մրցանակ է ստացել. գլխավորից բացի՝ այն հաղթել է նաեւ «Վատագույն ռեժիսոր» եւ «Վատագույն դերասան» (երկու դեպքում էլ՝ Դինեշ Դ՛Սոուզա), ինչպես նաեւ «Վատագույն դերասանուհի» (Բեքի Թյորներ) անվանակարգերում:
Ռեժիսորը ֆիլմում ծայրահեղ է գնահատում ԱՄՆ-ի Դեմոկրատական կուսակցությունը, մասնավորապես, մեղադրելով «Կու Կլուկս Կլանի» հետ կապերի մեջ:
«Ոսկե ազնվամորի» է ստացել նաեւ «Բեթմենն ընդդեմ Սուպերմենի. Արդարության արեւածագին» ֆիլմը, նույնպես չորս անվանակարգում: Մասնավորապես, Բեք Աֆլեքն ու Հենրի Քավիլը պարգեւ են ստացել որպես վատագույն դերասանական զույգ:
Վարկանիշի վերականգնման համար մրցանակ է ստացել Մել Գիբսոնը (միակ դրական «Ոսկե ազնվամորի»-ն), որը նկարահանվել է «Խղճի նկատառումներից ելնելով» ֆիլմում: Այն «Օսկար»-ի է առաջադրվել վեց անվանակարգում: