Google ընկերությունը հայտարարել է Spaces մեսենջերը փակելու մտադրության մասին: Այս մասին հաղորդում է Life-ը:
Մեսենջերը կդադարի գործել 2017 թվականի մարտի 3-ից: Որոշ ժամանակ օգտատերերը կկարողանան վերանայել պահպանված նամակագրությունն ու ֆայլերը, սակայն ապրիլի 17-ին Google-ն ամբողջությամբ կջնջի ամբողջը:
IT-հսկայի ներկայացուցիչները հույս են հայտնել, որ Spaces-ի առանցքային մշակումներն ապագայում կկարողանան օգտագործել այլ նախագծերում:
Spaces մեսենջերը, որը ներկայացվել է 2016 թվականի մայիսին, պետք է օգտատերերին օգներ ժամանակ տնտեսել անհրաժեշտ հղումներն ու տեսանյութերը որոնելիս:
