Փետրվարի 26-ին նշվում է անշտապողականության օրը, հաղորդում է Calend-ը:
Տոնի գաղափարը պատկանում է իտալացիներին: Հենց նրանք են 2007-ին առաջինը նշել այդ տոնը` անշտապ կերպով կյանքը եւ նրա յուրաքանչյուր ակնթարթը վայելելու նպատակով: Նախաձեռնողը եղել է «Դանդաղ ապրելու արվեստ» իտալական ասոցացիան: Օրվա կարգախոսն է` «Մի շտապիր եւ վայելիր պահը»: Այս կազմակերպությունը նաեւ մշակել է շտապելուց հրաժարվելու 14 պատվիրաններ, որոնք պետք է պահել` կյանքի բոլոր դրական կողմերը զգալու ու կյանքն առավել հարմարավետ դարձնելու համար:
