Մոսկվայի կենտրոնում ոստիկանությունը խստացրել է անվտանգության միջոցառումները, որտեղ այսօր տեղի է ունենում քաղաքական գործիչ Բորիս Նեմցովի հիշատակի երթը, հաղորդում է Rosbalt-ը:
Ակցիայի մասնակիցները սկսել են հավաքվել Ստրաստնի բուլվարում: Այդտեղ տեղաշարժը փակված է, հերթապահում են ոստիկանական ավտոմեքենաները, ՕՄՕՆ-ի, Ռուս գվարդիայի եւ ոստիկանության աշխատակիցները: Մայթերին պատնեշներ են դրվել:
Ակցիայի մասնակիցները կրում են քաղաքական խմբավորումների դրոշները, ՌԴ դրոշները, Նեմցովի դիմանկարները:
Ընդդիմադիր Բորիս Նեմցովը սպանվել է 2015-ի փետրվարի 27-ին:
