ՀՀ զբոսաշրջության պետական կոմիտեում տեղի է ունեցել հանդիպում-քննարկում` նվիրված Նովրուզի օրերի ընթացքում Հայաստան ժամանող իրանցի զբոսաշրջիկների համար պարսկերեն լեզվով տեղեկատվական կետերի (տեղեկատուների) հասանելիության ապահովմանը:
ՀՀ զբոսաշրջության պետական կոմիտեի մամուլի ծառայությունից NEWS.am-ին հայտնում են, որ հանդիպում-քննարկմանը մասնակցել են ՀՀ տրանսպորտի եւ կապի նախարարության, ՀՀ արտաքին գործերի նախարարության, ՀՀ մշակույթի նախարարության, ՀՀ Պետական եկամուտների կոմիտեի, «Տուր Ինֆո» ամսագրի եւ Հայաստանի վերաբերյալ պարսկերենով տպագրվող ամսագրի ներկայացուցիչներ:
Քննարկումն անցկացրել է ՀՀ զբոսաշրջության պետական կոմիտեի նախագահ Զարմինե Զեյթունցյանը:
Մասնավորապես, քննարկվել է մարտին տպագրվելիք պարսկերեն լեզվով ամսագրի բովադակությունը եւ Նովրուզի օրերի ընթացքում Հայաստան ժամանող իրանցի զբոսաշրջիկների համար ամսագրերի տրամադրումը Հայաստանի Հանրապետության սահմանային անցման կետերում:
Քննարկվել են նաեւ Նովրուզի օրերին Ճանապարհների անվտանգության ապահովմանն տեղեկատվական բաներների (billboard) տպագրման եւ տեղադրման, ինչպես նաեւ թեժ գծի ապահովմանն ուղղված հարցեր: