Ռուսական հեռահաղորդակցական Vimpelcom ընկերությունը, որը Beeline ապրանքանիշի սեփականատերն է, ծրագրում է փոխել անվանումը VEON–ով։
Ընկերության պաշտոնական կայքում ասվում է, որ անունը կփոխվի, եթե դա արտահերթ ժողովի ժամանակ հավանության արժանացնեն բաժնետերերը։ Այն տեղի կունենա 2017-ի մարտի 30–ին։
«Ընկերությունն այսօր այն նույն ընկերությունը չէ, որը կար դեռեւս 24 ամիս առաջ, այժմ այն ձեւափոխում է անցնում հնացած հեռահաղորդակցական բիզնեսից իր նոր ապագա՝ որպես VEON տեխնոլոգիական ընկերություն», - ասվում է հաղորդագրությունում։
