Երկուշաբթի Եվրամիությունը երկարացրել է Բելառուսի դեմ զենքի էմբարգոն 4 անձանց դեմ անհատական պատժամիջոցները, փոխանցում է «Sputnik-Բելառուսը»:
«Փետրվարի 27-ին Խորհուրդը որոշել է մեկ տարով՝ մինչեւ 2018 թվականի փետրվարի 28-ը, երկարացնել Բելառուսի դեմ սահմանափակող միջոցառումները, որոնք ներառում են զենքի արգելքը եւ այն 4 անձանց միջոցների սառեցումն ու ԵՄ-ի տարածք նրանց մուտքի արգելքը, որոնք ներգրավված են եղել 1999 եւ 2000 թվականներին 2 ընդդիմադիր քաղաքական գործիչների, գործարարի եւ լրագրողի անհետացման գործին»,- հայտնել է ԵՄ-ի Խորհուրդը:
ԵՄ-ի պատժամիջոցներիր տակ են մնում ՆԳ նախկին նախարարներ Վլադիմիր Նաումովը եւ Յուր Սիվակովը, նախագահի աշխատակազմի նախկին ղեկավար Վիկտոր Շեյմանը եւ ՆԳՆ ներքին զորքերի հատուկ նշանակության բրիգադի նախկին հրամանատար Դմիտրի Պավլիչենկոն:
Նշվում է, որ Խորհուրդը բացառություն է կատարել՝ «բիաթլոնի համար սարքերի արտահանումը թույլ տալով», սակայն մատակարարողները յուրաքանչյուր առանձին դեպքում պետք է դիմեն այդ սարքավորման վաճառքի թույլտվություն ստանալու համար: