Քաղաքային տնտեսության տարբեր ոլորտներին հասցված իրական չափն ավելի հստակ կլինի ձնհալից հետո: Այս մասին, այսօր՝ փետրվարի 27-ին, Երեւանի քաղաքապետարանում կայացած աշխատանքային հերթական խորհրդակցության ժամանակ նշել է քաղաքապետ Տարոն Մարգարյանը:
«Ակնհայտ է, որ այս տարվա ձմռան հետեւանքները զգալի վնասներ են հասցրել քաղաքային տնտեսության տարբեր ոլորտների, որոնց իրական չափն ավելի հստակ կլինի ձնհալից հետո: Օդերեւութաբաններն էլ են նշում, որ վերջին 100 տարում մայրաքաղաքում այսպիսի եղանակային պայմաններ չեն գրանցվել: Միայն այն, որ նախորդ տարիների համեմատ այս տարի 5 անգամ ավելի աղի եւ ավազի խառնուրդ է օգտագործվել փողոցների, մայթերի եւ բակային տարածքների մշակման համար, եւս փաստում է այդ մասին», - ընդգծել է Տարոն Մարգարյանը:
