Բեռլինում ապօրինի մրցարշավ կազմակերպած ավտոարշավորդները ցմահ բանտարկության են դատապարտվել։ Ապօրինի մրցարշավի արդյունքում մարդ է զոհվել։ Նման վճիռ է կայացրել երկուշաբթի օրը, փետրվարի 27–ին Բեռլինի հողային դատարանը։ «Մեղադրող կողմը նշել է, որ չնայած մեղադրյալները չէին ցանկանում ոչ ոքի սպանել՝ նրանք հաշվարկել են մրցարշավի նման ելքը»։
Dpa գործակալությունը նշում է, որ ավտոարշավորդների գործի վերաբերյալ նման խիստ դատավճիռ Գերմանիայում առաջին անգամ է ։ Ի դեպ, այն դեռեւս ուժի մեջ չի մտել։
2016–ի փետրվարի 1–ի գիշերը 25 եւ 28–ամյա երկու տղամարդիկ ավտոմրցարշավ են կազմակերպել։ Մրցարշավի մասնակիցներից մեկը հարվածել է ջիփ ավտոմեքենային, որի 69–ամյա վարորդը զոհվել է։