Global Finance ամսագիրը հրապարակել է իր «Աշխարհի լավագույն ներդրումային բանկեր»18-րդ ամենամյա վարկանիշը։ UBS-ն ճանաչվել է աշխարհի 2017-ի լավագույն ներդրումային բանկ։
«Ներդրումային բանկինգը շարունակում է զարգանալ»,- ասել է Ջոզեֆ Դ․ Գիարափութոն,Global Finance-ի գլխավոր խմբագիրը։
«Մեր ամենամյա մրցանակաբաշխությունն ընտրում է այն բանկերին, որոնք ունեն ամենախորը գիտելիքները, նաեւ հմտություններ ու նորարարական մոտեցումներ հաճախորդներին սպասարկելու համար»։
«Ամերիաբանկը» ճանաչվել է Հայաստանի լավագույն ներդրումային բանկ։
Global Finance –ի խմբագիրները ոլորտի փորձագետների մասնակցությամբ վարկանիշը կազմելիս առաջնորդվել են մի շարք չափանիշներով՝ այդ թվում գործարքների թիվն ու չափը, սպասարկումն ու խորհրդատվությունը, կառուցվածքային ներուժը, մասնաճյուղերի ցանցը, շուկայական պայմաններին բավարարելուն ուղղված ջանքերը, նորարարությունը, եւ շատ ուրիշ չափանիշներ։ Հաշվի են առնվել 2016-ին կնքված գործարքները։