Պաշտպանության նախարար Վիգեն Սարգսյանին Հանրապետական կուսակցության ընտրական ցուցակ ընդգրկելը վատ հաշվարկված քայլ է: Այս մասին փետրվարի 27-ին՝ լրագրողների հետ զրույցում ասաց ՀԱԿ խմբակցության ղեկավար Լեւոն Զուրաբյանը:
Նրա խոսքով՝ այն փաստը, որ պաշտպանության նախարարը հայտնվել է ՀՀԿ-ի ընտրական ցուցակում, իրականում խնդիր է: «Դա ամենահաջող որոշումը չէ: Ռազմական գործողությունների վերականգնման սպառնալիքի պայմաններում պաշտպանության նախարարն ի՞նչ է անում կուսակցության ընտրական ցուցակում: Դա վատ հաշվարկված քայլ է»,- հավելեց Լեւոն Զուրաբյանը: