Հարավային Կորեայի հատուկ ծառայությունները վստահ են, որ Հյուսիսային Կորեայի առաջնորդի եղբոր՝ ԿԻմ Չեն Նամի սպանության գործով կասկածյալներից մի քանիսը Հյուսիսային Կորեայի ԱԳՆ-ի ու պետական անվտանգության նախարարությունների աշխատակիցներն են, հայտնում է Reuters–ը։
Սպանության գործով 8 կասկածյալներից չորսը Պետական անվտանգության նախարարությունից են, իսկ երկուսը, որոնք գործողություններ են ձեռնարկել, ԿԺԴՀ-ի ԱԳՆ-ից, հայտնել է հարավկորեացի պատգամավոր Լի Չոլ-վուն՝ վկայակոչելով հատուկ ծառայությունները։ «Դրա համար էլ դա ահաբեկչություն է, որը կազմակերպել է պետությունը, ավելի որոշակի՝ Հյուսիսային Կորեայի ԱԳՆ-ն ու պետական անվտանգության նախարարությունները»,- ասել է նա։
