Լեւոն Յոլյանն ընտրվեց Վերահսկիչ պալատի նախագահ: Այս մասին այսօր` փետրվարի 28-ին, խորհրդարանում հայտարարեց հաշվիչ հանձնաժողովի նախագահ Սուքիաս Ավետիսյանը:
Յոլյանի թեկնածությանը կողմ է քվեարկել 99 պատգամավոր, երկու քվեաթերթիկ ճանաչվել է անվավեր:
Ներկաները ծափահարությամբ ողջունեցին Լեւոն Յոլյանի նշանակումը:
Նշենք, որ Լեւոն Յոլյանը եղել է Վերահսկիչ պալատի նախագահի տեղակալ, էներգետիկայի նախկին նախարար: Նա այս պահին հանդիպումներ է ունենում Ազգային ժողովի խմբակցությունների հետ` ներկայացնելով իր մոտեցումները Պալատի գործունեության հետ կապված: Առաջին հանդիպումն անցկացվել է ԲՀԿ խմբակցության հետ:
Ավելի վաղ NEWS.am-ը հայտնել էր, որ Վերահսկիչ պալատի նախկին նախագահ Իշխան Զաքարյանը հրաժարականի դիմում էր ներկայացրել՝ պատճառաբանելով, որ պատրաստվում է գլխավորել Գագիկ Ծառուկյանի գլխավորած դաշինքի նախընտրական շտաբը: