Մարտի 1-ին ԱԺ-ն երկրորդ եւ վերջնական ընթերցմամբ ընդունեց «Բնակարանային հիփոթեքային վարկավորման մասին» օրենքում փոփոխությունների օրինագիծը: Կողմ է քվեարկել 9 պատգամավոր, ձեռնպահ է մնացել 22 պատգամավոր, փոխանցում է NEWS.am-ի թղթակիցը:
Օրինագծով թույլ է տրվում հիփոթեքային վարկերը վերաֆինանսավորել (այսինքն՝ վարկը մի բանկից մեկ այլ բանկ փոխանցել): Եթե վարկը ավելի քան 3 տարվա է, ապա այն փոխանցելիս սպառողը բանկին կորցրած եկամուտների դիմաց ոչ մի տուգանք չի վճարում:
Դրանից զատ, ամրագրվում է վարկային պայմանագրի թափանցիկության պահանջը (արդեն գործող սպառողական վարկերի պահանջների նմուշի համաձայն): Բանկերը պետք է նշեն անհրաժեշտ բոլոր տոկոսները եւ վճարումները (այդ թվում՝ ինչպես նվազագույն, այնպես էլ իրական տոկոսադրույքը): Պայմանագիրը կնքելուց հետո վարկառուն 7 օր ժամանակ կստանա, որի ընթացքում կարող է պայմանագիրը լուծարել՝ առանց որեւէ տույժ վճարելու:
