2008–ի մարտի 1–ի ողբերգական իրադարձությունները Հայաստանի իշխանությունների ամենամեծ խարանն են։ Այս մասին մարտի 1–ին լրագրողների հետ հանդիպման ժամանակ հայտարարել է «Ազատ դեմոկրատներ» կուսակցության պատգամավորի թեկնածու Անահիտ Բախշյանը։
Ինչ վերաբերում է առաջիկա խորհրդարանական ընտրություններին՝ նա նշել է, որ նկատելի է նոր վտանգավոր միտում. «Մի գյուղում, օրինակ, կան 8 թեկնածուներ միայն ՀՀԿ–ից, եւ միայն տեսնեիք, թե ինչպես են այդ թեկնածուների ընտանիքները տրամադրված միմյանց դեմ։ Սա նոր վտանգավոր երեւույթ է»։
Բախշյանը վստահեցնում է, որ Երեւանի Մալաթիա–Սեբաստիա վարչական կենտրոնի տարածքում (Շենգավիթ շրջանի հետ կազմում է թիվ 3 ընտրական տարածքը), որտեղ նա առաջադրել է իր թեկնածությունը, «Ազատ դեմոկրատներ»–ին նախընտրական շտաբի համար տարածք չեն հատկացնում:
