Հայաստանի իշխանությունները կարող են չափավորել գերիշխող բիզնեսի ախորժակը, եթե սկսի մրցակցությունը խախտել: Այս մասին մարտի 1-ին՝ խորհրդարանում կառավարության ժամին հայտարարեց վարչապետ Կարեն Կարապետյանը՝ պատասխանելով ՀԱԿ խմբակցության ղեկավար Լեւոն Զուրաբյանի՝ բենզինի գներին վերաբերող հարցին:
«Ինչ վերաբերում է բենզինին, ապա Հայաստանում այն տարեսկզբին իսկապես թանկացավ, բայց շատ ավելի քիչ, քան միջինում աշխարհում եւ հարեւան Վրաստանում: Տնտեսական մրցակցության պետական հանձնաժողովը հստակ պարզաբանումներ է ներկայացրել»,- հավելեց Կարապետյանը: