Մենք ի գիտություն ենք ընդունում մեր ընդդիմության արտահայտած մտահոգությունը՝ կապված ընտրական գործընթացում վարչական ռեսուրսի օգտագործման հնարավորության հետ։ Այս մասին Euronews–ին տված հացրազրույցում նշել է ՀՀ նախագահ Սերժ Սարգսյանը՝ պատասխանելով հարցին, թե արդոք առաջիկա խորհրդարանական ընտրություններում ՀՀԿ ցուցակում իր բացակայությունը նշանակում է, որ հեռանում է քաղաքականությունից։
«Դա նաեւ նշանակում է, որ մենք հինքնաարտահայտման հնարավորություն ենք ստեղծում երիտասարդների համար։ Արդեն 10 տարի ես Հանրապետական կուսակցության առաջնորդն եմ, եւ ես մնում եմ այդ կարգավիճակում»,–նշել է Սերժ Սարգսյանը։
Հարցին, թե ուր է ինքը տանում ներկա նախագահական հանրապետությունը, ՀՀ նախագահը վստահություն է հայտնել, որ Հայաստանը ցանկալի երկիր է լինելու յուրաքանչյուր հայի համար։ «Ես խորապես համոզված եմ, որ կառավարման խորհրդարանական մոդելն ավելի արդյունավետ է։ Այն ավելի լավ հնարավորություններ է ապահովում պետական կառավարման համար։ Այն ավելի լայն հնարավորություններ է տալիս երկրի քաղաքացիներին եւ քաղաքացիական հասարակության ներկայացուցիչներին՝ մասնակցելու երկրի կառավարմանը։ Մենք նաեւ կցանկանայինք այնպիսի պայմաններ ստեղծել, որոնց դեպքում քաղաքացիները բողոքի դուրս գալու ավելի քիչ պատճառներ կունենային, քանի այն պայմաններն են, որոնց նրանք սովորել են»։
