Գերմանիայում ծանր հիվանդները կկարողանան դեղատոմսով գնել կաննաբիս պարունակվող դեղամիջոցներ։ Դրանց գնման թույլատվությունը տրամադրվելու է առավելագույնը երեք օրվա ընթացքում, իսկ ծախսերը փակելու է բուժապահովագրությունը։ Այս մասին հայտնել է Առողջապահության նախարարության ստատս քարտուղար Լութց Շտրոպպեն, փոխանցում է «Գերմանական ալիքը»
Մոտ ժամանակներս Գերմանիայում նաեւ կթույլատրեն բժշկական նպատակներով կանեփ աճեցնել։ Այդ գործընթացի կառավարումն ու համակարգումը իրականացնելու կաննաբիսի վերահսկողության հատուկ գործակալությունը, որը ենթարկվում է Դեղամիջոցների հարցերով դաշնային ինստիտուտին։
Համապատասխան օրինագիծը հաստատել է բունդեսթագը, իսկ փետրվարին դրա օգտին է քվեարկել բունդեսրաթը։ Մնում է, որ նախագահը ստորագրի այն։
Մինչեւ վերջերս Գերմանիայում թույլատրվում էր հիվանդներին կանեփ նշանակել բացառիկ դեպքերում։ Հիմա նման դեղատոմս է ստանում մոտ 1000 հիվանդ։