Երեւանի Կոնդ թաղամասում այսօր՝ մարտի 9–ին, «Կոնգրես– ՀԺԿ» նախընտրական հանդիպման ժամանակ միջադեպ է տեղի ունեցել։
NEWS.am-ի թղթակիցը հաղորդում է, որ մի կին ընդհատել է Լեւոն Զուրաբյանի ելույթը եւ պահանջել հեռանալ այդ տարածքից՝ նշելով, որ դա մասնավոր տարածք է եւ իրավունք չունեն քարոզարշավ իրականացնել, մինչդեռ հանդիպումը տեղի էր ունենում փողոցում։ Զուրաբյանը, սակայն, չի արձագանքել եւ շարունակել է ելույթը։
Կինը հրաժարվել է ներկայանալ, իսկ ավելի ուշ, թաղի բնակիչներից մեկը մեր թղթակցին հայտնել է, որ այդ կինը Կոնդի մի հատվածի լիազոր ներկայացուցիչն է եւ ՀՀԿ շտաբի ղեկավարը։
Նշենք, որ այս պահին հանդիպումը շարունակվում է, այդ կինը տարածքից հեռացել է։