Volkswagen AG գերմանական ավտոկոնցեռնը ԱՄն դատարանում իրեն մեղավոր է ճանաչել դավադրության, ֆինանսական մեքենայությունների եւ «դիզելային սկանդալ»-ի հետ կապված արդարադատությանը խոչընդոտելու մեջ: Այս մասին գրում է «ՌԻԱ Նովոստի»-ն` վկայակոչելով ԱՄՆ արդարադատության նախարարությանը: Նախարարությունում հայտնում են, որ Դեթրոյթի դաշնային դատարանում VW-ի դավատճիռը հայտնի կլինի ապրիլի 21-ին:
Հանցանքը ճանաչելու համաձայնությունը նախատեսում է 2,8 մլրդ դոլարի չափով քրեական տուգանքի վճարում, ինչպես նաեւ երեք տարի ընկերության նկատմամբ անկախ մոնիթորինգի սահմանում: Ընկերությունը նաեւ համաձայնել է 1,45 մլրդ դոլարի չափով տուգանք վճարել` դաշնային, բնապահպանական եւ այլ քաղաքացիական հայցերը բավարարելու համար: Համաձայնության պայմաններով` Volkswagen-ը 50 մլն դոլար կվճարի` ըստ ֆինանսական հաստատությունների մասին օրենքի շրջանակներում հավակնությունների (FIRREA):