Հայաստանի պաշտպանության նախարար Վիգեն Սարգսյանը բացատրել է, թե ինչու է Հայաստանը ԵՏՄ անդամակցությունը նախընտրել Եվրամիության հետ համաձայնագրից:
Ելույթ ունենալով Երեւանում այսօր՝ մարտի 11-ին, մեկնարկած «Վալդայ» միջազգային բանավեճի ակումբի արտագնա նիստում, նախարարը նշեց, որ Հայաստանը, հստակ գնահատելով ԵՏՄ անդամակցության ֆինանսական եւ տնտեսական ասպեկտները, որոշում կայացրեց, որ տնտեսապես դա ավելի նպատակահարմար է, քան ԵՄ հետ համաձայնագրի ստորագրումը:
«Բայց եւ այն ժամանակ, եւ հիմա մենք ելնում ենք նրանից, որ դա չի խանգարում ԵՄ հետ խորը հարաբերություննորի հաստատմանը», - ընդգծեց նախարարը:
Խոսելով տարածաշրջանային երկրների հետ համագործակցության մասին, նա նշեց, որ Հայաստանը ինտեսիվ երկխոսություն ունի Իրանի հետ, որը Հայաստանի անկախացման հենց առաջին օրերեից մեծ ժողովրդին բնորոշ մեծ իմաստություն է ցուցաբերել, այդ թվում՝ պարբերաբար միջնորդական ջանքեր առաջարկելով ղարաբաղյան հակամարտության կարգավորման հարցում, բայց առաջին հերթին առաջնորդվելով չվնասելու սկզբունքով:
«Իրանի դիրքորոշումից կտրուկ տարբերվող դիրքորոշում է ցուցաբերում Թուրքիան», - նշեց նախարարը՝ ընդգծելով, որ Թուրքիայի կողմից Հայաստանի շրջափակումը անախրոնիզմ է: «Այդպես է նաեւ Ղարաբաղի հարցում դիրքորոշումը: Քաղաքականություն, որը բացահայտ կոչվում է «մեկ ազգ, երկու պետություն»:
Նախարարի գնահատականով՝ այսպիսի վարքագծի պատճառով Թուրքիան ինքնամեկուսացվել է տարածաշրջանում՝ չնայած Վրաստանի եւ Ադրբեջանի հետ լավ հարաբերություններին:
