Երեւանում, այսօր, ժամը 14:30-ի դրությամբ Արաբկիր համայնքում անհայտ անձանց կողմից ոչնչացվել են «Ծառուկյան» դաշինքի անդամ, թիվ 2 ընտրատարածքում առաջադրված Տիգրան Ուրիխանյանի ցուցապաստառները եւ վահանակները:
Տիգրան Ուրիխանյանի նախընտրական շտաբից NWES.am-ին հայտնում են, որ թեկնածուի շտաբից ահազանգել են ոստիկանության Արաբկիրի բաժին:
«Մենք սա որակում ենք որպես մրցակիցների կողմից անպարկեշտ դրսևորում: Ոստիկանությունից ակնկալում ենք համարժեք միջոցների ձեռնարկում՝ բազմաթիվ տեսախցիկների առկայությամբ կատարվածի հրատապ բացահայտում»,-ասված է հաղորդագրության մեջ: