Եթե Նիդեռլանդների իշխանությունները Թուրքիայի հետ հարաբերությունները զոհաբերում են հանուն ընտրությունների, ապա պատասխան կտան դրա համար: Anadolu գործակալության փոխանցմամբ՝ այս մասին հայտարարել է Թուրքիայի նախագահ Ռեջեփ Թայիփ Էրդողանը:
Նրա խոսքով՝ Նիդեռլանդների իշխանություններն «անցել են բոլոր սահմանները»: «Այս ամենը խոսում է այն մասին, որ Արեւմուտքում նացիզմը վերածնվում է: Նիդեռլանդների իշխանություններն ինչո՞վ կարող են բացատրել իրենց քայլերը: Թուրքիան կպատասխանի դրան: Նիդեռլանդների իշխանությունները վերջապես կսովորեն դիվանագիտության նորմերը»,- ասել է Էրդողանը:
Նա նշել է, որ վերջին օրերի իրադարձություններն «իսլամատյացության վառ օրինակ են»: