Ներկայումս Հայաստանում կոմունիստական գաղափարախոսության մեծ պահանջարկ կա: Այս մասին մարտի 13-ին՝ լրագրողների հետ հանդիպման ժամանակ հայտարարեց Հայաստանի Կոմունիստական կուսակցությունից պատգամավորի թեկնածու, մանկավարժ Արմինե Դավթյանը:
Նրա խոսքով՝ սա պայմանավորված է այն հանգամանքով, որ կոմունիստական գաղափարախոսությունը պարունակում է մարդկության ապագայի տեսլականի նկարագրություն, երբ բոլոր մարդիկ հավասար հնարավորություններ կունենան: «Այսօր մենք կործանում ենք մեր կրթական համակարգը: Կրթությունը, որպես պետության ռազմավարական ինստիտուտ, պետք է զարգացնի արտադրությունը եւ տնտեսությունը: Մեր ընդդիմախոսներն այսօր գաղափարախոսական հիմքեր չունեն, մենք այսօր չգիտենք՝ որն է Հանրապետական կուսակցության կամ «Բարգավաճ Հայաստանի» գաղափարախոսական հիմքը: Մեզ այսօր պակասում են կոմունիստական արժեքները»,- ընդգծեց Դավթյանը