Ռուսաստանի Հարավային ռազմական օկրուգում հայտարարել են զորքերի մարտական պատրաստականության անսպասելի ստուգում, որին ներգրավված են մոտ 6 հազար զինծառայողներ եւ 1,5 հազար միավոր տեխնիկա: Այս մասին հայտնել են ՀՌՕ-ի մամուլի ծառայությունից:
«ՀՌՕ-ի զորքերի հրամանատարը հայտարարել է մի շարք միավորումների եւ զորամասերի մարտական պատրաստականության անսպասելի ստուգման մեկնարկի մասին, որոնք տեղակայված են Կրասնոդարի եւ Ստավրոպոլի շրջաններում, Աստրախանի եւ Վոլգոգրադի մարզերում, Կարարչաեւո Չերքեսիայում եւ Ադիգեյում, նաեւ Հայաստանում եւ Աբխազիայում տեղակայված ռուսական ռազմակայանների ստորաբաժանումների»,- նշված է հաղորդագրության մեջ:
Նշվում է, որ գլխավոր նպատակը՝ ստուգելն է, թե ստորաբաժանումները որքանով են պատրաստ ըստ նշանակության խնդիրները կատարելուն, ինչպես նաեւ ռազմական վարժանքների մակարդակը գնահատելը: Անսպասելի ստուգմանը կմասնակցեն ավելի քան 20 շտաբներ եւ ռազմական կառավարման այլ մարմիններ:
Շրջանի զորավարժարաններում կանցկացվեն մարտական կրակոցով մարտավարական վարժանքներ, նաեւ ռազմական եւ հատուկ պատրաստության հիմնական առարկաների ստուգիչ պարապմունքներ:
