Հայաստանի իշխանությունների կողմից խոստացված լայն համաներումը կիրականացվի ապրիլի 2-ին խորհրդարանական ընտորություններում մեր հաղթանկից հետո: Այս մասին մարտի 14-ին Եղեգնաձորում ընտրողների հետ կայացած հանդիպմանն ասաց «Օհանյան-Րաֆֆի-Օսկանյան» դաշինքի նախընտրական շտաբի ղեկավար, «Ժառանգություն» կուսակցության վարչության փոխնախագահ Արմեն Մարտիրոսյանը:
Նրա խոսքով՝ համաներումը կվերաբերի բոլոր «քաղբանտարկյալներին»: Նրանք համաներման կարիք չունեն, բայց ազատ կարձակվեն: Ընդդիմադիր գործիչը «քաղբանտարկյալ» է համարում «Սասնա ծռեր» զինված խմբի անդամներին, ովքեր գրավել էին ՊՊԾ գունդը: Մարտիրոսյանը վստահեցրեց, որ զինված խմբի անդամների ազատ արձակումից հետո էլ կհետաքննվեն վերոնշյալ իրադարձություների ժամանակ զոհված ոստիկանների մահվան հանգամանքները, բայց արդեն «արդար դատարանի» կողմից, որը կգա փոխարինելու գործող իշխանությունների կողմից վերահսկվող ներկայիս դատական համակարգին: