Սյունիքի մարզի Վայք քաղաքում այսօր՝ մարտի 14-ին, ընտրողների հետ հանդիպման ժամանակ տարեց կինը Սեյրան Օհանյանին մեղադրեց սահմանամերձ բնակավայրեր չայցելելու մեջ: Սեյրան Օհանյանի ելույթը լսելուց հետո նա հարցրեց, թե ինչու այսքան ժամանակ չի այցելել իրենց քաղաք:
«Վայքի տեղը նույնիսկ չգիտեք, ինչի՞ այսքան ժամանակ չեք ներկայացել մեզ, հիմա եք ներկայանում: Իմ թոշակը 36 հազար դրամ է, ես ինչպե՞ս ապրեմ այդ թոշակով, ինչու՞ մեր գործարանները փակեցիք»,-հարցրեց տարեց կինը:
Սերյան Օհանյանը նշեց, որ ինքը պատասխանատու չէ գործարանների փակման համար, ինչ վերաբերում է հարցին, թե ինչու չի այցելել Վայք, նա պատասխանեց ժամանակի սղությամբ պատճառով:
«Այսքան ժամանակ չեմ ներկայացել, քանի որ զբաղվել եմ իմ պաշտոնավարմամբ: Ինչ վերաբերում է թոշակներին, դա էլ կբարձրացնենք»,- արագ պատասխանեց Սեյրան Օհանյանն ու հեռացավ: