Նոր Նորքում այսօր՝ մարտի 15-ին, «Ծառուկյան» դաշինքից առաջադրված պատգամավորի թեկնածու Արթուր Մամոյանը ներողություն է խնդրել «Ելք» դաշինքի ներկայացուցիչներից իր մարզադպրոցում կատարված միջադեպի համար: Նիկոլ Փաշինյանը մարզադպրոցում կատարված միջադեպից հետո զրուցել է Մամոյանի հետ եւ նշել է, որ մարզադպրոցի տարածքում իրենց թույլ չի տրվել քարոզչություն անել, սակայն, ներսում եղել է հենց Արթուր Մամոյանի քարոզչական պաստառը, որն անթույլատրելի է:
«Բոլորս պետք է մնանք օրինականության դաշտում, փոխադարձ հարգանքի վրա, որովհետեւ մենք բոլորս պատգամավորության թեկնածու ենք եւ այս պրցեսում պետք է լինենք մաքսիմալ հարգալից միմյանց նկատամաբ»,-ասել է նա:
Ավելի վաղ տեղեկացրել էինք, որ Նորք Մորքում «Տորք Անգեղ» մարզադպրոցի աշխատակիցները հարձակվել են «Ելք» դաշինքի ներկայացուցիչների եւ լրագրողների վրա:
Համացանցում տարածված տեսանյութում երեւում է, որ մարզադպրոցից դուրս եկած կինը լրագրողների եւ պատգամավոր Նիկոլ Փաշինյանի եւ դաշինքի ներկայացուցիչների վրա գոռգոռալուց հետո շտապում է մտնել մարզադպրոց եւ հեռացնել Արթուր Մամոյանի քարոզչական պաստառը, որից հետո Նիկոլ Փաշինյանը, լրագրողները եւ դաշինքի ներակայցուցիչները մտնում են դպրոց: Մարզդպրոցի աշխատակիցները հարձակվում են լրագրողների եւ դաշինքի ներկաայցուցիչների վրա, վնասում օպերատորների տեսախցիկները:
Ալեն Սիմոնյանը մեզ հետ զրույցում նշեց, որ այս պահին գնում են ոստիկանություն՝ կատարվածի մասին հաղորդում տալու համար:
