Ինչպես «Խաթաբալա» կինոյում, ՀՀԿ–ն «Նատալին ցույց է տալու, Մարգրիտին կնության տալու»։ Այսօր՝ մարտի 15–ին, կապանցիների հետ հանդիպմանը «Օսկանյան-Ռաֆֆի-Օհանյան» դաշինքի թեկնածու Արմեն Մարտիրոսյանը այսպես բնութագրեց ՀՀԿ քարոզարշավը, որը հիմնականում իրականացնում են համեմատաբար երիտասարդ ներկայացուցիչները։
«Դուք չեք ընտրում ոչ Վիգեն Սարգսյանին, ոչ Արփինե Հովհաննիսյանին եւ ոչ էլ Տարոն Մարգարյանին: Իրենք որոշում կայացնողներ չեն, իրենք ուղղակի որպես շատ գեղեցիկ դեմքեր են, բերել, այդ եռյակում դրել են: Ինչպես «Խաթաբալա» կինոյում են ցույց տալիս՝ «Նատալին ցույց են տալու, Մարգրիտին կնության տալու: Այդպես՝ ցանկացած դեպքում դա լինելու է Սերժ Սարգսյանի իշխանությունը»,-ասաց Արմեն Մարտիրոսյանը:
