Ռուսաստանն ու Հայաստանը քննարկում են ազգային արժույթներով փոխադարձ հաշվարկների հնարավորությունը։ Այս մասին հայտարարել է ՌԴ նախագահ Վլադիմիր Պուտինը՝ Մոսկվայում ՀՀ նախագահ Սերժ Սարգսյանի հետ հանդիպման արդյունքում։
Պուտինը նշել է, որ Ռուսաստանը Հայաստանի գլխավոր տնտեսական գործընկերն է։ «Ըստ անցյալ տարվա արդյունքների՝ երկկողմանի ապրանքաշրջանառությունը աճել է վեց տոկոսով։ Նման արդյունքը լուրջ հաջողություն ենք համարում, որը ձեռք է բերվել անկայուն գլոբալ կոնյուկոնտուրային պայմաններում։ Առեւտրի հետագա ընդլայնման ու դիվերսիֆիկացման նպատակներով ներկայումս քննարկվում է ազգային արժույթներով փոխադարձ հաշվարկների հնարավորությունը»,–հայտնել է ՌԴ նախագահը՝ հավելելով, որ Հայաստանում ռուսական ներդրումները գերազանցել են երեք միլիարդ դոլարը։
