Արեւմտյան քաղաքակրթությանը մահմեդականների ձուլումը շատ բարդ է լինելու: Ըստ ՌԻԱ Նովոստիի՝ այս մասին հայտարարել է ԱՄՆ նախագահ Դոնալդ Թրամփը:
Fox News հեռուստաալիքի հաղորդավարի հարցին, թե հնարավո՞ր է մահմեդականներին հաջողությամբ ինտեգրել արեւմտյան քաղաքակրթությանը, Թրամփը պատասխանել է. «Դա հեշտ չի լինի: Մահմեդականների ձուլումը շատ բարդ գործընթաց է լինելու»:
Նա ընդգծել է ԱՄՆ-ն անվտանգ դարձնելու ձգտումը, միաժամանակ նշելով, որ «շատ մահմեդականներ սիրում են այս երկիրը»:
Նա, սակայն, առաջարկել է տեսնել, թե ինչ է կատարվում Գերմանիայում, Շվեդիայում, Բրյուսելում եւ այլ վայրերում, «դա շատ բարդ գործընթաց է»: «Մենք մտադիր ենք շատ լուրջ աշխատել այդ ուղղությամբ»,- ամփոփել է նա:
Հարցազրույցը տեղի է ունեցել մինչեւ Հավայի նահանգային դատարանի որոշումը, որով ամբողջ երկրում կասեցվում է Թրամփի միգրացիոն հրամանի գործունեությունը: Ինքը՝ նախագահը, տվյալ որոշումը քաղաքական է համարել: