Իսրայելում Հորդանան գետի ափին ուխտագնացության կենտրոնի պատերին ի թիվս բազմաթիվ լեզուների, իր տեղն է գտել նաեւ Արցախի բարբառով Քրիստոսի մկրտության աստվածաշնչյան դրվագը։
Ինչպես տեղեկացնում է NEWS.am–ի թղթակիցը Իսրայելից, Հորդանան գետի ափին, որտեղ Հովհաննես Մկրտչի կողմից մկրտվել է Քրիստոսը, աշխարհի բազմաթիվ լեզուների կողքին հայերենը 4 տարբերակով է ներկայացված՝ արեւելյան, արեւմտյան, գրաբար ու Արցախի բարբառով։
Նշենք, որ Մատթեոսի ավետարանում նշվում է, որ Հիսուսը Նազարեթից գալիս է Հորդանան գետ՝ մկրտվելու Հովհաննես Մկրտչի կողմից։ «Երբ Հովհաննես Մկրտիչը Հորդանան գետում մկրտում է Հիսուսին, Աստծո ոգին որպես աղավնի իջնում է Հիսուսի վրա։ Եվ Ձայն եկավ, որն ասում է. «Դու ես իմ սիրելի որդին, որ ունես իմ ամբողջ բարեհաճությունը»,–նշվում է Մատթեոսի ավետարանում։