Աշխարհահռչակ դաշնակահար Եվգենի Կիսինն ամուսնացել է հայուհի Կարինե Արզումանովայի հետ:
Հարսանիքը կայացել է Պրահայում, որտեղ ապրում է Կարինեն: Հայտնի է, որ Եվգենին եւ Կարինեն ծանոթ են մանկությունից:
Եվգենի Կիսինը ժամանակակից ամենատաղանդավոր երաժիշտներից է: Նա ակտիվ համերգային գործունեություն է ծավալում Եվրոպայում, Ամերիկայում եւ Ասիայում: Կիսինը ելույթներ է ունեցել առաջատար նվագախմբերի հետ՝ Կլաուդիո Աբադոյի, Վլադիմիր Աշքենազիի, Դանիել Բարենբոյմի, Վալերի Գերգիեւի, Կառլո Մարիա Ջուլինիի, Մստիսլավ Ռոստրոպովիչի, Եվգենի Սվետլանովի, Գեորգ Շոլտիի, Մարիս Յանսոնսի եւ այլով ղեկավարությամբ: