Գյումրի քաղաքում մարտի 17-ին տեղի ունեցավ Ամերիաբանկի «Կումայրի» մասնաճյուղի բացման հանդիսավոր արարողությունը, որին ներկա էին Գյումրու քաղաքապետ Սամվել Բալասանյանը, Ամերիաբանկի Տնօրինության նախագահ-Գլխավոր տնօրեն Արտակ Հանեսյանը, Մանրածախ գործառնությունների գծով տնօրեն Արման Բարսեղյանը, այլ պաշտոնատար եւ գործարար այրեր:
«Կումայրի» մասնաճյուղի բացմանը զուգընթաց մեկնարկեց «Իմ Գյումրին» արշավը, որի շրջանակներում մասնաճյուղի հաճախորդներին կտրամադրվեն քարտային, վարկային եւ առցանց ծառայությունների մասով հատուկ առաջարկներ: Այս համատեքստում, մասնավորապես, թողարկվել են «Իմ Գյումրի» խորհրդանշական անվանումը կրող АrCa վճարային քարտեր, որոնք կտրամադրվեն «Կումայրի» մասնաճյուղի հաճախորդներին առանց սպասարկման վճարի եւ առանց կանխիկացման միջնորդավճարի՝ 2 տարի ժամկետով: Բացի այդ, մասնաճյուղի հաճախորդներին կտրամադրվեն Visa Classic, Visa Gold, MasterCard Standard, MasterCard Gold դեբետային կամ կրեդիտային քարտեր, իսկ իրավաբանական անձ հաճախորդներին`Visa Business, MasterCard Business քարտեր`առանց առաջին տարվա տարեկան սպասարկման վճարի:
«Կումայրի» մասնաճյուղի հաճախորդների համար կգործեն նաեւ վարկերի հատուկ պայմաններ, մասնավորապես, կտրամադրվեն վարկեր Ամերիաբանկում գործող տոկոսադրույքներից 0,5%-ով ցածր տոկոսադրույքով, իսկ վերաֆինանսավորման արշավի ներքո նվազեցված տոսկոսադրույքները կիջեցվեն եւս 0,25%-ով:
Հեռահար բանկային ծառայություններից օգտվելու մշակույթը տարածելու եւ բանկային ծառայություններից օգտվելն ավելի հարմարավետ դարձնելու համար «Կումայրի» մասնաճյուղի հաճախորդներին կտրմադրվեն անվճար ինտերնետ եւ մոբայլ բանկինգ, ինչպես նաեւ հեռախոսային բանկինգ ծառայությունները: Իրավաբանական անձանց կտրամադրվի ինտերնետ եւ մոբայլ բանկինգ` առանց առաջին տարվա սպասարկման վճարի: Նույն համատեքստում նորաբաց մասնաճյուղի տարածքում, ինչպես նաեւ Գյումրիի Ռիժկով փողոցի սկզբնամասում (Ռիժկովի փողոց, 1/2) տեղակայվել են Express banking 24/7 ծառայության ինքնասպասարկման տերմինալներները, որոնց միջոցով բանկի հաճախորդները կարող են ոչ միայն կանխիկ ելքագրել եւ մուտքագրել, այլ նաեւ առանց բանկ այցելելու իրականացնել մի շարք այլ բանկային գործարքներ: Վերոնշյալ առաջարկները գործելու են մինչեւ 2017թ. հունիսի 30-ը ներառյալ:
Տեղեկացնենք, որ «Կումայրի» մասնաճյուղը տեղակայված է Գյումրի քաղաքի Աբովյան փողոց 248/7 հասցեում եւ իր ընդարձակ սպասարկման սրահով, ժամանակակից տեխնիկական հագեցվածությամբ եւ մասնագիտացված անձնակազմով սպասում է Շիրակի մարզի բնակիչներին:
