Ֆրանսիայի իշխանությունները ձերբակալել են մարդու, որը կարող է մասնակցած լինել Փարիզի Օռլի օդանավակայանում զինվորականների վրա իրագործված հարձակմանը, հայտնում է France Info ռադիոկայանը:

«Օռլիում ձերբակալվել է երկրորդ կասկածյալը… Նա, կարծես, օդանավակայանի աշխատակիցներից է»,- Twitter-ի իր միկրոբլոգում հայտնել է ռադիոկայանը:

Շաբաթ անհայտ անձը հարձակվել է զինվորականների վրա, որոնք Sentinelle գործողության շրջանակում Օռլի օդանավակայանի անվտանգությունն են ապահովում: Ի պատասխան՝ զինվորականները կրակ են բացել: Միջադեպի հետեւանքով ոչ ոք չի տուժել:

Ներկայումս Orly Sud սպասասրահից մարդիկ տարհանվել են, տեղում աշխատում են ոստիկանության հատուկջոկատայինները: