ԿԸՀ-ն մարտի 18-ի արտահերթ նիստի ժամանակ մերժել է «Իրազեկ քաղաքացիների միավորում» ՀԿ-ի դիմումը, որով պահանջվում էր դադարեցնել ՀՀԿ-ի կողմից կոնֆետների բաժանումը։
ԿԸՀ նախագահ Տիգրան Մուկուչյանը կարդացել է Հանձնաժողովի որոշումը, որում մասնավորապես նշվում է ․ «Կոնֆետների վրա ՀՀԿ կուսակցության նախընտրական խորհրդանիշները քարոզչական նյութ են ու չեն կարող դիտարկվել որպես ընտրողի մոտ նյութական շահագրգռվածություն առաջացնող, այնպես ինչպես եւ շարֆերի, գլխարկների կամ գրիչների բաժանումը»։ ԿԸՀ-ն, ըստ Մուկուչյանի, համարում է, որ կուսակցությունն իրավունք ունի անարգել տարածել քարոզչական նյութեր։