«Ազատ դեմոկրատներ» կուսակցությունն այսօր՝ մարտի 18-ին, քարոզարշավը շարունակել է Արմավիրի մարզում։ Կուսակցության ցուցակով ընտրություններին մասնակցող թեկնածուներին Արմավիր քաղաքում դիմավորել են աղ ու հացով։
Նախկին վարչապետ Հրանտ Բագրատյանն Արմավիրի ընտրողներին ասել է, որ Էջմիածնի համար խոշոր ծրագիր ունեն, որն իրենց ընտրվելու դեպքում կնպաստի փոքր ու միջին բիզնեսի զարգացմանը։
Խաչատուր Քոքոբելյանն էլ շեշտել է, որ կարող են նվազագույն աշխատավարձը բարձրացնել 110 հազար դրամի, իսկ նվազագույն կենսաթոշակը 73 հազար դրամի չափով։
Քարոզարշավը շարունակվել է Երեւանում։ Ազատ դեմոկրատներ կուսակցության անդամները քայլերթ են կազմակերպել Կենտրոնում, որին մասնակցել են կուսակցության նախագահ Խաչատուր Քոքոբելյանը, նախկին վարչապետ Հրանտ Բագրատյանը, Ստյոպա Սաֆարյանը և կուսակցության այլ անդամներ: