Թուրքիայի «Ազգայնական շարժում» կուսակցության առաջնորդ Դեւլեթե Բահչելին հետաքրքիր ձեւով է արձագանքել քաղաքացիների այն դիտարկմանը, թե Սահմանադրական հանրաքվեին «այո» ասելով՝ Էրդողանը «դիկտատոր» կդառնա։
Թուրքական Demokrathaber կայքի փոխանցմամբ՝ Դեւլեթ Բահչելին հայտարարել է, թե անհրաժեշտ է «այո» ասել հանրաքվեին։ «Իսկ հանրաքվեով Էրդողանը «դիկտատոր» չի դառնա, քանի որ «դիկտատոր» բառը թուրքերեն չէ»,-ասել է Բահչելին։
Նշենք, որ «Ազգայնական շարժում» կուսակցության ղեկավար Դեւլեթ Բահչելին աջակցում է Էրդողանի հրահանգով արված սահմանադրական փոփոխություններին, որով Էրդողանը ստանում է լայն լիազորություններ։
