Հայաստանի նախագահ Սերժ Սարգսյանը մասնակցել է ջերմային նոր էլեկտրակայանի հիմնարկեքին: Նրան ուղեկցել են փոխվարչապետ, միջազգային տնտեսական ինտեգրման եւ բարեփոխումների նախարար Վաչե Գաբրիելյանը, էներգետիկ ենթակառուցվածքների եւ բնական պաշարների նախարար Աշոտ Մանուկյանը եւ պաշտոնատար այլ անձինք:
Կայանը կկառուցվի Երեւանի հարավային հատվածում՝ գործող Երեւանի ՋԷԿ-ի էներգաբլոկից ոչ հեռու: Էլեկտրակայանի հզորությունը կկազմի 234 մՎտ, ՕԳԳ-ն՝ 53 տոկոս:
Էներգետիկ ենթակառուցվածքների եւ բնական պաշարների նախարար Աշոտ Մանուկյանը նշել է, որ էլեկտրաէներգիայի զգալի մասը կարտահանվի: Էլեկտրակայանի շինարարությունը կտեւի 2 տարի (25 ամիս) եւ կավարտվի 2019 թվականին:
Այդ ժամանակ է նախատեսվում ավարտել Իրան եւ Վրաստան նոր հզոր էլեկտրահաղորդման գծերի շինարարությունը՝ յուրաքանչյուրը 400 կՎ լարմամբ: Այսպիսով, Հայաստանում էլեկտրաէներգիայի փոխանցման հզորությունը ավելի քան 3 անգամ կաճի՝ մինչեւ 1550 մՎտ՝ ներքին 1250 մՎտ պահանջմունքի պայմաններում: Այսպիսով, նոր էլեկտրակայանի շինարարությունը համընկնում է տարածաշրջանային շուկաներ էլեկտրականության արտահանման եւ տարանցման նոր հնարավորությունների հետ:
Շինարարությունն իրականացնում է իտալական Renco ընկերությունը՝ իր դուստր ArmPower ընկերության միջոցով: Նրանք շինարարության մեջ սեփական եւ վարկային միջոցներից մոտ 300 մլն դոլար կերդնեն: