Մեկուսարանում մահացած «Ռոսկոսմոս»-ի նախկին թոփ մենեջեր Վլադիմիր Եվդակիմովի մարմնի վրա վնասվածքներ են հայտնաբերվել, որոնք կարող են վկայել բռնի մահվան մասին։ Այս մասին հաղորդում է «ՌԻԱ Նովոստի»-ն՝ վկայակոչելով իրավապահ մարմիններում գտնվող աղբյուրին։
«Զոհվածի մարմնի զննման ժամանակ հետքեր ու վնասվածքներ են հայտնաբերվել, որոնք, հավանաբար, կիրառվել են Եւդոկիմովի նկատմամբ, երբ սպանության պահին նա դիմադրել է։ Դեռեւս դրանում լիակատար վստահություն չկա, բայց հետքերը թույլլ են տալիս նման ենթադրություն անել», — ասել է աղբյուրը։
Նրա խոսքով՝ պնդել, որ Եւդոկիմովը լիարժեք դիմադրություն է ցույց տվել, չի կարելի։ Շատ հավանական է, որ նրան հանկարծակիի են բերել։
