Վերին Լարսի անցակետում առաջացած խնդիրների պատճառով «Արենա Շապիտո» կրկեսի կենդանիները դեռ չեն հասել Երեւան:
Երեւանի քաղաքապետարանից հայտնում են, որ Երեւանի քաղաքապետարան-մասնավոր հատված համագործակցության շրջանակում մայրաքաղաքում է հյուրընկալվել «Արենա Շապիտո» միջազգային կրկեսը, որը հանգրվանել է Կոմիտասի անվան պանթեոնի հարեւանությամբ գտնվող զբոսայգում: Ներկայացումները Երեւանում նախատեսվում են մինչեւ մայիսի վերջ, սակայն Վերին Լարսի սահմանային անցակետում առաջացած տեխնիկական խնդիրների պատճառով կրկեսային կենդանիները Երեւանում կլինեն մի քանի օր ուշացմամբ:
Այս օրերին ներկայացումները եղել են առանց կենդանիների մասնակցության: