Հայաստանի Հանրապետավկան կուսակցությունը սոցհարցումներով «Ծառուկյան» դաշինքին չի պարտվում: Մարտի 20-ին՝ լրագրողների հետ զրույցում այս մասին ասաց ԱԺ փոխխոսնակ, ՀՀԿ-ի մամուլի քարտուղար Էդուարդ Շարմազանովը:
Նա նշեց, որ առաջին՝ այդ հարցումներն անցկացվել են մինչեւ պաշտոնական քարոզարշավի մեկնարկը: Երկրորդ՝ կուսակցության շարքերում է Երեւանի քաղաքապետ Տարոն Մարգարյանը, որին բնակչության 60 տոկոսը դրական է վերաբերվում, եւ Կարեն Կարապետյանը, որին կրկին վարչապետի պաշտոնում է ցանկանում տեսնել 82 տոկոսը: «Եվ վերջապես՝ մենք այնպիսի ռեզերվ ունենք, ինչպիսին է ընտրական տարածքներում մեր թեկնածուների հեղինակությունը: Եթե այն եւս հաշվի առնենք, ապա ակնհայտ կդառնա, թե ով է վայելում ժողովրդի վստահությունը»,- ասաց Շարմազանովը:
