Ըստ Հայաստանի ազգային վիճակագրական ծառայության տվյալների, հանրապետության արդյունաբերությունը փետրվարին պահպանել է ֆիզիկական աճի երկնիշ ցուցանիշը՝ 19․9 տոկոս տարեկան կտրվածքով։ Հիշեցնենք, որ հունվարին նույնպես երկնիշ աճ էր, բայց փետրվարյան ռեկորդից նկատելիորեն քիչ ՝ 12․2 տոկոս։ Աղքատ օպերատիվ տեղեկությունները հնարավորություն չեն տալիս որոշել, թե որ ոլորտների հաշվին է ապահովվել այդ ռեկորդը, դրա համար էլ ավելի մանրակրկիտ դիտարկենք հունվարյան տվյալները։

Հունվարին վերոնշյալ երկնիշ աճը հիմնականում ապահովվել էր վերամշակող արդյունաբերության (տեմպին մասնակցությոնը՝ հարաբերական 9․2 տոկոսի աճ) նաեւ էլեկտրաէներգիայի ու բնական գազի մատակարարումների ոլորտների հաշվին (համատեղ 3․4 տոկոս)։ Վերամշակող արդյունաբերության մեջ հատկապես  բարձր ցուցանիշներ են ունեցել ըմպելիքների արտադրության ( 1․7 անգամ աճ) ու հիմնական մետաղների ոլորտները ( գրեթե 25 տոկոսով), ինչը կապակցված է այդ ապրանքների արտահանման աճի հետ։

Սակայն կրճատվել է լեռնաարդյունահանման արդյունաբերության ու բաց հանքերի   մշակման արտադրանքի ֆիզիկական ծավալը՝ տարեկան կտրվածքով 2․8 տոկոսով։ Տվյալ ոլորտի ազդեցությունը ընդհանուր ցուցանիշի վրա արտահայտվել է 0․6 տոկոսի հարաբերական դանդաղումով։ Այս ոլորտի խնդիրը հիմա կապակցված է մետաղական հանքաքարերի արդյունահանման հետ, որի ֆիզիկական ծավալը հունվարին կրճատվել է 3․1 տոկոսով։

Գյուղատնտեսությունը, որը այդ ամիսներին սամանափակված է անասնապահությամբ, նաեւ ջերմոցային տնտեսությունների արտադրանքով, փաստորեն արգելակում է։ Հունվարին կար ընդամենը խորհրդանշական աճ՝ 0․2 տոկոսի, որը փետրվարին փոխարինվել է ամբողջական ստագնացիայով։ Շինարարության ոլորտում իրավիճակը նույնպես հուսադրող չէ ՝ փետրվարին մշտական անկումն ուժեղացել է ու հասել տարեկան կտրվածքով գրեթե 20 տոկոսի։

Այդ ամիս ապրանքաշրջանառությունն աճել է՝ տարեկան կտրվածքով 9․8 տոկոսով  (հունվարին 9․2 տոկոսով) ։ Հիշեցնենք, ո ր այդ ցուցանիշում, մանրածախ առեւտրից բացի, Ազգային վիճակագրական վարչությունը ներառում է նաեւ ավտոմեքենաների մեծածախ առեւտուրն ու վաճառքը։ Նկատենք, որ հունվարին մանրածախ ապրանքաշրջանառության ֆիզիկական ծավալը ավելացել է 3․6 տոկոսով։

Անցած տարվա հունվարին ֆիքսվել էր լուրջ անկում՝ տարեկան կտրվածքով 5․7 տոկոսի։ Դրա համար էլ , չնայած ընթացիկ տարվա հունվարին գրանցված որոշակի աճին, մանրածախ ապրանքաշրջանառության ֆիզիկական ծավալը 2․3 տոկոսով զիջում է  երկու տարվա վաղեմության ցուցանիշին

Սմբատ Գրիգորյան