Եվրամիությունը ԵՄ-ից Մեծ Բրիտանիայի դուրս գալու շուրջ բանակցությունների ռազմավարության իր ծրագիրը կներկայացնի Լոնդոնի իրազեկումը ստանալուց հետո 2 օր անց: Այս մասին հայտարարել է Եվրախորհրդի նախագահ Դոնալդ Տուսկը, փոխանցում է Reuters-ը:
Ավելի վաղ հաղորդվել է, որ Մեծ Բրիտանիայի վարչապետ Թերեզա Մեյը Եվրամիությունից դուրս գալու ընթացակարգը կգործարկի մարտի 29-ին: Ընթացակարգի շրջանակներում նա ԵՄ-ին նամակ կուղարկի, որը եւ կդառնա Brexit-ի պաշտոնական մեկնարկը: Նամակը ստանալով՝ կսկսվի երկու տարվա հաշվարկը, որի ընթացքում դաշինքից երկրի դուրս գալը պետք է ավարտվի:
