MARS փակ գիտատեխնիկական համաժողովի ժամանակ Amazon-ի ղեկավար Ջեֆ Բեզոսը փորձարկել է հարավկորեական Hankook Mirae ընկերության Method-2 հսկայական ռոբոտը։ Ու կարծես շատ գոհ է մնացել, հայտնում է Meduza-ն։
«Ինչո՞ւ եմ ես ինձ զգում Սիգուրնի Ուիվերի նման», - կատակել է Բեզոսը, նկատի ունենալով «Օտարը» ֆիլմի հերոսուհի Ուիվերին, որը ղեկավարում էր ռոբոտներին։
Առայժմ Method-2 ռոբոտը մշակման փուլում է։ Ծրագրվում է , որ այն կօգտագործվի մարդու համար դժվար հասանելի տարածքներում։ Ռոբոտի դիզայնը մշակել է նկարիչ Վիտալի Բուլգարովը։ Նա զբաղվել է նաեւ «Զրահակիր ուրվականը», «Տրանսֆորմերներ՝ ոչնչացման դարաշրջան» ֆիլմերի պերսոնաժների մշակումով։