Վարշավայի շրջանային դատարանը իրավաբան Ստանիսլավ Շ․-ին 4 տարվա ազատազրկման է դատապարտել Ռուսաստանի օգտին լրտեսելու համար, հայտնում է Լեհաստանի ռադիոն։
Ամբաստանյալը չի ընդունել իր մեղավորությունը։ Նրա պաշտպանությունը միջնորդել էր նրա արդարացման համար։ Փաստաբան Գժեգոժ Կուխարսկու կարծիքով, գործում եղել են «ապացույցների մասով լուրջ թերություններ»։
Ստանիսլավ Շ․-ին մեղադրում են Լեհաստանի դեմ ռուսական զինվորական հետախուզության գործունեությանը մասնակցելու մեջ։
Դատավարությունը սկսվել էր 2016-ին։ Այն անցել է փակ դռների ետեւում։
Ստանիսլավն ունի Ռուսաստանի ու Լեհաստանի երկքաղաքացիություն, նրան ու լեհական բանակի փոխգնդապետ Զբիգնեւ Ի-ին կալանավորել էին 2014-ի հոկտեմբերին։ 2016-ին Վարշավայի Ռազմական շրջանային դատարանը Զբիգնեւին դատապարտել էր 6 տարվա ազատազրկման՝ Ռուսաստանի օգտին լրտեսելու համար։