Ես Միհրան Պողոսյանին չեմ տեսնում Հայաստանի կառավարության կազմում։ Այս մասին մարտի 20-ին ասել է ՀՀԿ փոխնախագահ, վարչապետ Կարեն Կարապետյանը Երեւանի Քանաքեռ- Զեյթուն վարչական շրջանի ընտրողների հետ հանդիպման ժամանակ։
Պատասխանելով այն հարցին, թե որտեղ է նա պատկերացնում ԴԱՀԿ նախկին ղեկավար Միհրան Պողոսյանի հետագա աշխատանքը, որն իր թեկնածությունն է առաջադրել թիվ մեկ ընտրատարածքում (Ավան, Նոր Նորք ու Քանաքեռ-Զեյթուն վարչական շրջաններ), Կարեն Կարապետյանը նկատել է. «Մենք բազմիցս հայտնել ենք, որ մեր թիմը բազմաշերտ է ու ներկայացնում է հասարակության բոլոր շերտերը։ Եվ սոցհարցումների հիման վրա մենք պատգամավորի մեր թեկնածուներին ենք առաջարկել տարածքային ցուցակներով։ Այդ պատճառով ՝ Միհրան Պողոսյանը կհայտնվի Ազգային ժողովում, թե ոչ, կախված է ձեր ձայնից։ Պարոն Պողոսյանին ես Հայաստանի կառավարության կազմում չեմ տեսնում»։
