Թայվանի բնակիչը թղթից պատրաստել է Lamborghini Aventador –ի կրկնօրինակը, որը մտադիր է այրել ու դրանով իսկ այդ սուպերքարը փոխանցել իր հանգուցյալ ազգականներին, հայտնում է Motor –ը։

«Ավենտադորի» լիաչափ կրկնօրինակը մանրակրկիտ մշակված է ու ուշագրավ է օրինակ մոդելի բոլոր աէրոդինամիկ տարրերի ու օպտիկայի դետալների առկայությամբ։ Հեղինակը թղթից պատրաստել է նույնիսկ կուպեի նստատեղերը։

Թայվանցին մեքենան պատրաստել է Ցինմին տոնի կապակցությամբ՝ հանգուցյալների հիշատակի չինական ավանդական տոն, որը նշվում է ապրիլին։ Այդ օրը ընդունված է անցկացնել բնության գրկում ու այցելել հարազատների գերեզմաններ, իսկ որպես նվեր հանգուցյալների համար կարելի է որեւէ առարկա այրել, որը այրվելուց հետո իբրեւ կփոխանցվի հանգուցյալներին՝ անդրշիրիմյան աշխարհ։