Աֆրիկյան ծագումով մարդիկ առաջվա պես դառնում են ռասիզմի զոհեր։ Այս մասին հայտնել է ՄԱԿ գերագույն հանձնակատար Զեյդ Ռաադ ալ Հուսեյնը Ռասսայական խտրականության վերացման պայքարի միջազգային օրվա կապակցությամբ, որը նշվում է մարտի 21-ին։ Նա կոչ է արել պայքարել ռասիզմի, խտրականությունների, այլատյացության, ատելության հողի վրա հանցագործությունների դեմ։
Նրա խոսքով Արեւմտյան Եվրոպայի շատ երկրներում, նաեւ ԱՄՆ-ում հաճախացել են ատելության հողի վրա հանցագործությունները միգրանտների նկատմամբ։ Աշխարհում ամենուրեք նկատվում են հակասեմիտիզմի դրսեւորումներ։ Որոշ արեւմտյան երկրներում հիջաբ կրող մուսուլման կանայք ավելի հաճախ են բախվում բառացի ու նույնիսկ ֆիզիկական վիրավորանքների։
Նա ներկայացրել է Մեծ Բրիտանիայի կառավարության տվյալները, որոնք վկայում են այն մասին, որ Բրեքսիթի հանրաքվեից հետո ատելության հողի վրա հանցագործությունները կտրուկ ավելացել են։ ԱՄՆ-ում ՀԴԲ-ի տվյալներով 2016-ին զգալիորեն ավելացել են նման հանցագործությունները։ «Հենց 2016-ին է ԱՄՆ-ում սկսվել նախագահական ընտրություններ, որոնց ընթացքում հաճախ էր շեշտադրվում միգրանտների, լատինաամերիկացիների ու մուսուլմանների կողմից իբրեւ բխող սպառնալիքը», - ասել է ՄԱԿ գերագույն հանձնակատարը։
Միգրանտների նկատմամբ հանցագործությունները 45 տոկոսով աճել են Գերմանիայում։ Զգալի աճ կա նաեւ Իսպանիայում, Իտալիայում ու Ֆինլադիայում։
